Pyntaberget hotell, Hundorp, Sør-Fron - april 2019

"Vyrde Redaktør

Dette hotellet har eit makelaust utsyn over Gudbrandsdalen og fjella omkring, rett og slett fantastisk. Og utsikta på badet er heller ikkje så verst.

Vennleg Helsing

Jostein"
En noe nedhengt brett, men full i stand til å ivareta både estetikk og praktikk! Takk til Jostein for nytt bidrag, og ny kommune!

Milepelen Hotell & Vertshus, Sagstua, Nord-Odal - mars 2019

"Vyrde Redaktør,

Klarer du ein så klarer du to, sa KrF-nestleiar Ropstad for ikkje så lenge sidan. Så etter å ha plassert Sør-Odal på dorullbrettkartet tidlegare i år så tenkte eg at eg kunne ta den andre Odalskommuna også, Nord-Odal. Og hotellet var heilt greit, det. Men det manglar ein vesentleg detalj, som det gjeng fram av biletet. Her kan dei med fordel lære av naboane i sør. Og for min eigen del så kjem eg ikkje til å legge så stor vekt på Ropstad sine råd framover.

Vennleg Helsing

Jostein"

Takk for å innlemme nok en ny kommune i vårt dorullbrettunivers, Jostein!

Hotel Tønderhus, Tønder, Danmark - februar 2019

"Vyrde Redaktør,

Hotel Tønderhus held i hevd den gode dorullbrettstandarden dei omsider starta med etter massivt trykk her på forumet. Gledeleg!

Vennleg Helsing

Jostein"

Vår kamp krones med seier! Takk til bidragsyter Jostein for utrettelig innsats for dorullbrettens fremme!

Quality Hotel Strand, Gjøvik - februar 2019

"Vyrde Redaktør

 Hotellet retta opp blemma frå førre vitjing, og leverer ein ankomstbrett denne gangen. (sjølv om eg måtte lette på dekslet for å vere viss på at det verkeleg var ein tilsikta brett og ikkje berre ein tilfeldig skrukk på papiret). Så får ein sjå om det byr seg eit høve seinare ein gang til å sjekke om dei også har starta med oppfølgingsbrettar.

 Vennleg Helsing

Jostein"

Takk til Jostein for nok et bidrag!

Clarion Collection Hotel Grand, Gjøvik - februar 2019

"Vyrde Redaktør,

Ein lyt gi ros til personalet for at dei greier å lage brett på rullen når det er såpass lite papir igjen. Men når det gjeld oppfølgingsbrett dei neste to dagane er eg meir atterhalden. Dette hotellet har vært under lupa såpass lenge at dei burde ha fått med seg poenget no.

Vennleg Helsing

Jostein"

Enig! Takk til Jostein for nok et bidrag!

Slobrua Gjestegård, Skarnes, Sør-Odal - januar 2019

"Vyrde redaktør,

Eg held trøystig fram med å oppsøke kvite flekkar på norgeskartet. Av og til kan det gi eksepsjonelt gode opplevingar, slik som dette. Sylskarp og symmetrisk og på alle måtar flott brett. Vel verdt den knappe halvtimen eg måtte plusse på den 15-16 timar lange køyreturen for å kunne legge overnattinga hit.

Vennleg Helsing

Jostein"

Fantastisk innsats fra vår bidragsyter Jostein!! Og vi er enig - dette var en brett vel verdt en omvei. 

Hotel Tønderhus, Tønder, Danmark - oktober 2018

"Vyrde Redaktør

 Sidan det no er slått fast at Hotell Tønderhus har starta med dorullbrettar, så tenkte eg det kunne høve å sjekke om dei også har innført oppfølgingsbrettar. Det har dei så langt eg kan sjå ikkje gjort. Inntil vidare så får ein glede seg over velkomstbretten, og så får ein halde fram med rapporteringa. Kanskje får dei etter kvart også med seg poenget med oppfølgingsbrettar?

Vennleg Helsing

Jostein"

Det kommer nok, får vi håpe. Takk til Jostein for nok et bidrag. 

Hokksund Camping, Hokksund, Øvre Eiker - desember 2018

"Vyrde Redaktør,
Optimist som eg er, så sjekka eg om der var dorullbrett på badet på hytta.
Nei, det var der ikkje.
Men eg sluttar aldri å håpe.
Aldri.
Vennleg Helsing
Jostein"
Aldri gi opp håpet! Selv om realiteten peker tunge til deg slik denne bretten gjør!
Takk til bidragsyter Jostein, både for bidrag og ny kommune!

Sødorp Gjestgivergård, Vinstra, Nord-Fron - desember 2018

"Vyrde Redaktør,
Det er godt mogleg at eigarane meinte at dei gjorde det enkelt for seg sjølv då dei installerte dette svineriet på badet på roma sine. Men tvert om, eg reiknar med at dette er den direkte årsaka til at E6 blei flytta til andre sida av dalen, og dermed tok med seg storparten av kundemassen. Om dei vil ha attende noko av trafikken til overnattingsstaden sin er det best å røske ut rælet og få på plass ordentlege dorullhaldarar, og framfor alt lage dorullbrettar for gjestane.
I rettvisa sitt namn så må eg også nemne at sørvisinstillinga for øvrig var utmerka, prisen hyggeleg, og frokosten så god som ein har lov å vente når antalet gjestar er begrensa.
Vennleg helsing
Jostein"

Det er både riktig og viktig som bidragsyter gjør å vise til at de ansattes servicenivå kan være høyt selv om det brukes slike dispensere, det er vel som regel ikke rombetjeningen som velger inventaret.

Takk til bidragsyter Jostein, som nok en gang har bragt en ny kommune inn i dorullbrettuniverset vårt!

Quality Hotel Strand, Gjøvik - desember 2018

"Vyrde Redaktør,
Ingen dorullbrett ved ankomst. Eit hendeleg uhell, tenkte eg, og for å vere viss på at hotellet skulle få høve til å rette opp denne blemma så var eg nøye med å henge opp lappen på døra som varslar om at eg ynskjer at nokon steller romet medan eg er ute på dagtid. Men det hjalp ikkje. Det ironiske er at hotellet deler bygningsmasse med Gjøvik kulturhus. Likevel greier dei å bomme på den høgaste eksponenten for finkultur, nemleg kunsten å lage dorullbrettar til gjestane sine. Nei, dette var stusseleg.
Vennleg Helsing
Jostein"
Riktig så stusselig, her må hotellet skjerpe sine rutiner betraktelig!
Takk til bidragsyter Jostein.

Radisson Blu Royal Garden Hotel, Trondheim - november 2018

"Vyrde Redaktør,
Litt smårufsete, men likevel grei nok brett frå Royal Garden.
Vennleg Helsing
Jostein"
Takk til Jostein for bidrag.

Quality Hotel Expo, Bærum - november 2018

"Vyrde Redaktør,
Dette må vel nærmast karakteriserast som eit sjølvskudd får underteikna sin side. Eg gleda meg stort over ein brukbar ankomstbrett men blei noko skuffa og vonbroten over manglande oppfølgingsbrett, dette hotellet har servert slike ved tidlegare høve. Men i det eg pakka sakene for å gjere meg klar for utsjekk oppdaga eg denne lappen på romet, med teksta «We care about our wallet …», nei orsak, «We care about our planet …» var det visst. Poenget er altså at ein må henge denne lappen utanpå døra dersom ein ynskjer at nokon skal stelle romet. Det kan vere greit at forumet sine bidragsytarar er merksame på denne praksisen, slik at ikkje fleire gjer same blemma som eg gjorde. For ein dag utan dorullbrett er ein meiningslaus dag.
Vennleg Helsing
Jostein"
Takk for tips og bidrag, Jostein!

Dokka Bilpleie Esso, Dokka, Nordre Land - oktober 2018

"Vyrde Redaktør,
På køyreturen til Dokka hørde eg på lokalradioen, og der var det reklame for Dokka Bilpleie sitt dekkhotell. Eg var derfor litt uroleg for at denne romreservasjonen var basert på ei mistyding, og at eg i beste fall kunne få krype saman i ein verkstadskrok mellom stablar på stablar av dekk. Men neidå, dei driv også eit lite motell, og det kan også sjå ut for at dei nyttar toaletta på roma som dorull-hotell. Ein slepp å uroe seg for å gå lens, og det må vere eit plusspoeng. Prisen på romet var også særs rimeleg, nytt plusspoeng. Men med omsyn til tilstanden til gjeldande bruksrull så er det ikkje anna å seie at her vil alle endringar vere til det betre. Hadde eg vært eit vinterdekk ville eg satt piggane ut. Dekk eller ikkje, eg pigga i allefall av så snart som råd etter eit naudsynt antal timar med svevn.
Vennleg Helsing
Jostein"
Takk til bidragsyter Jostein (som er hans ekte navn og ikke et dekk-navn) både for bidrag og enda en ny kommune til bloggen!

Hoff Gjestgiveri, Lena, Østre Toten - september 2018

"Vyrde Redaktør
I eit fantastisk sjarmerande hus med triveleg atmosfære og tiltalande uteområde er det berre ein ting som manglar. Eller to, det manglar også ei innretning til å henge den første mangelen på.
Vennleg Helsing
Jostein"
Dette var i sannhet en mangellapp verdig!
Takk til Jostein for bidrag, og for nok en ny kommune inn på bloggen vår.

Gran-Oppland Bed&Breakfast, Gran - juli 2018

"Vyrde Redaktør,
Ein fekk mykje for pengane ved denne overnattingsstaden, og reint og pent var der på alle måtar. Det einaste eg sakna var det som manglar på det vedlagte biletet, nemleg ein brett på dorullen.
Vennleg Helsing
Jostein"
Mye for pengene - samtidig så lite. Takk til bidragsyter Jostein, både for bilde men også for å bringe nok en ny kommune inn i vårt dorullbrettunivers.

Lanternen, Tjørvåg, Herøy - juli 2018

"Vyrde redaktør,
Av og til kan det vere moro med ei positiv overrasking når ein sjekkar inn på campingplass-hytter der det er eige bad og ein betaler for reinhaldet.
Men slik blei det ikkje denne gangen. Moroa på turen skuldast utelukkande andre faktorar.
Vennleg helsing

Jostein"

Faktorenes orden er likegyldig heter det jo, så fint at andre aktorer ga moro, men selvsagt, en god dorullbrett som første faktor bør man jo alltid ha, synd så ikke stemte denne gang.

Takk til Jostein for bidrag. 

Radisson Blu Scandinavia Hotel, Oslo - juni 2018

"Vyrde Redaktør,
Etter eit par dagar med svenske tilstandar, i tydinga manglande dorullbrett på småbyhotellet, så var det godt å sjå eit glimt av sivilisasjon igjen.
Takk, Radisson Scandinavia.
Vennleg helsing
Jostein"

Praktfullt og vel fortjent!

Takk til bidragsyter Jostein. 

Best Western Vetlanda Stadshotell, Vetlanda, Sverige - juni 2018

"Vyrde Redaktør,
Eg kan herved stadfeste at førre observasjon ikkje var eit eingangstilfelle. No er det minimum eit togangstilfelle.
Dette blir snickarboden for hotelldirektøren, og for underteikna er det særs truleg at ein finn fram til eit anna hotell dersom det skulle bli aktuelt med fleire reiser til denne byen.
Vennleg Helsing
Jostein"

Ja her bør det spikkes!

Takk til Jostein for bidrag. 

Holiday Inn Express Albert Dock, Liverpool, England - mai 2018

"Vyrde Redaktør
Liverpool er ein by som har blitt kraftig oppgradert dei siste åra. Det er gledeleg å sjå at oppgraderinga også omfattar fokus på gode dorullbrettrutiner på byen sine hotell, i det minste på dette. Her var det to OK brettar ved ankomst, og like gode oppfølgingsbrettar kvar einaste dag. Om ein skulle vere pirkete så kunne ein kanskje ynskje seg litt strammare brettar, enkelte av dei er litt lause og rufsete. Men heilheitsintrykket er langt over det eg hadde venta på førehand. Med andre ord så har det vært ei framifrå pinsehelg.
Vennleg Helsing

Jostein"

Dette var veldig veldig bra!!

Takk til Jostein for gode bidrag. 

Chicago Marriott O'Hare, Chicago, Illinois, USA - mai 2018

"Vyrde Redaktør,
Flott dorullbrett ved ankomst, og brukbar oppfølgingsbrett på dag 2. Alt i alt ber dette preg av å vere eit kvalitetshotell.
Vennleg Helsing

Jostein"

Veldig bra!

Takk til bidragsyter Jostein.